警察應保持中立並避免參加政治活動，我相信這個警察條例的原意係因為警察擁有執法的權力，無論是在執行任務或放工放假，他們的政治取向或會影響其執行職務時的判斷，即使沒有影響，也有可能給大眾一個不公的印象。這種規範都是為了製衡權力，並減少利益衝突。
但作為一個教師，佢唔係係上堂個陣教學生講粗口，佢又唔係用粗口鬧學生，佢放工後並無乜特別權力要被限制其政治取向，佢行行下街，見到有個事件發生，佢認為係社會上的不公義，佢出聲，但乜都做唔到，佢好憤怒，然後講粗口鬧警察，然後教育局就被要求為事件寫報告。
我唔知道香港有無咩教師條例話教師放工離開學校後唔比講粗口，如果有，相對的機關如學校，係咪有咩程序去跟進? 有冇需要驚動教育局? 我覺得香港教育咁多問題，教育局應該好忙，如果連老師放工係街上講粗口，都要教育局寫報告，咁我知點解香港教育有咁多問題…
如果冇，咁佢最多係辱罵警務人員，佢可能犯左法，咁你跟程序叫律政司告佢，我都想睇下一個政府或執法機關告一個下班教師講粗口，一定舉世矚目。
你唔告，叫教育局查，係對佢施加一種壓力，同時叫其他老師小心D…
你有無諗過點解佢會向過警察講粗口呢? 係咪好好玩，好型呢? 我都講粗口，但你叫我對個警察講，理智叫我唔好，我亦都無勇氣。點解一個人受過高等教育o既老師，佢明白佢要為自己的行為負責，件事又唔關自己事，但佢會憤怒到講粗口鬧個警察? 這個社會己經唔係第一次對政府響起警號…
一個文明的發展，會產生禮儀同文化，可以將人的惡抑制，並把人同人之間的細微關系作規範，無需白紙黑字的法律去作用。但有陣時，人會因為憤怒而另禮儀短暫失效。
可惜的是，有兩個原因，將這禮儀徹底消滅。
- 係六七十年代的一場文化浩劫，將中國的禮儀、道德、文化連根拔起。而制造呢場浩劫的組織，現正在統治這個叫”中國”的地方，像徵著”中國”。
- 以經濟發展作標準，將拜金主義最大化，擁有權力或財力的人從而得到豐厚的利益，同時使禮儀、道德及其它文化失去其意義。
歷史好象會再一次重演…
Filed under: Politics Tagged: 禮儀, 香港, 警察條例, 警權, 拜金主義, 政治, 文化大革命, 林慧思
